Psa 140 | OHB | STEP | לַמְנַצֵּ֗חַ מִזְמ֥וֹר לְדָוִֽד׃

Psalms 140

1 לַמְנַצֵּחַ מִזְמוֹר לְדָוִֽד׃ 2 ^{▼▼KJV:Ps.140.1} חַלְּצֵנִי יְהוָה מֵאָדָם רָע מֵאִישׁ חֲמָסִים תִּנְצְרֵֽנִי׃ 3 ^{▼▼KJV:Ps.140.2} אֲשֶׁר חָשְׁבוּ רָעוֹת בְּלֵב כָּל־יוֹם יָגוּרוּ מִלְחָמֽוֹת׃ 4 ^{▼▼KJV:Ps.140.3} שָֽׁנֲנוּ לְשׁוֹנָם כְּֽמוֹ־נָחָשׁ חֲמַת עַכְשׁוּב תַּחַת שְׂפָתֵימוֹ סֶֽלָה׃ 5 ^{▼▼KJV:Ps.140.4} שָׁמְרֵנִי יְהוָה ׀ מִידֵי רָשָׁע מֵאִישׁ חֲמָסִים תִּנְצְרֵנִי אֲשֶׁר חָשְׁבוּ לִדְחוֹת פְּעָמָֽי׃ 6 ^{▼▼KJV:Ps.140.5} טָֽמְנֽוּ־גֵאִים ׀ פַּח לִי וַחֲבָלִים פָּרְשׂוּ רֶשֶׁת לְיַד־מַעְגָּל מֹקְשִׁים שָֽׁתוּ־לִי סֶֽלָה׃ 7 ^{▼▼KJV:Ps.140.6} אָמַרְתִּי לַיהוָה אֵלִי אָתָּה הַאֲזִינָה יְהוָה קוֹל תַּחֲנוּנָֽי׃ 8 ^{▼▼KJV:Ps.140.7} יְהֹוִה אֲדֹנָי עֹז יְשׁוּעָתִי סַכֹּתָה לְרֹאשִׁי בְּיוֹם נָֽשֶׁק׃ 9 ^{▼▼KJV:Ps.140.8} אַל־תִּתֵּן יְהוָה מַאֲוַיֵּי רָשָׁע זְמָמוֹ אַל־תָּפֵק יָרוּמוּ סֶֽלָה׃ 10 ^{▼▼KJV:Ps.140.9} רֹאשׁ מְסִבָּי עֲמַל שְׂפָתֵימוֹ יכסומו ^{▼▼ יכסומויְכַסֵּֽמוֹ
(Qere)}׃ ^{▼▼We read one or more consonants in L differently from BHS.} 11 ^{▼▼KJV:Ps.140.10} ימיטו ^{▼▼ ימיטויִמּוֹטוּ
(Qere)} עֲלֵיהֶם גֶּֽחָלִים בָּאֵשׁ יַפִּלֵם בְּמַהֲמֹרוֹת בַּֽל־יָקֽוּמוּ׃ 12 ^{▼▼KJV:Ps.140.11} אִישׁ לָשׁוֹן בַּל־יִכּוֹן בָּאָרֶץ אִישׁ־חָמָס רָע יְצוּדֶנּוּ לְמַדְחֵפֹֽת׃ 13 ^{▼▼KJV:Ps.140.12} ידעת ^{▼▼ ידעתיָדַעְתִּי
(Qere)} כִּֽי־יַעֲשֶׂה יְהוָה דִּין עָנִי מִשְׁפַּט אֶבְיֹנִֽים׃ 14 ^{▼▼KJV:Ps.140.13} אַךְ צַדִּיקִים יוֹדוּ לִשְׁמֶךָ יֵשְׁבוּ יְשָׁרִים אֶת־פָּנֶֽיךָ׃